crime
സ്വകാര്യബസിലെ നഗ്നതാ പ്രദര്‍ശനം; യുവാവ് പിടിയില്‍
കണ്ണൂര്‍ ചെറുപുഴയില്‍ ബസില്‍ നഗ്നതാ പ്രദര്‍ശനം നടത്തിയയാള്‍ പിടിയില്‍. ചിറ്റാരിക്കല്‍ നല്ലോംപുഴ സ്വദേശി നിരപ്പില്‍ ബിനുവാണ് പൊലീസിന്റെ പിടിയിലായത്. ബസ് യാത്രക്കാരി തനിക്ക് നേരിട്ട ദുരനുഭവം സമൂഹമാധ്യമത്തിലൂടെ പങ്കുവച്ചതിന് പിന്നാലെ പൊലീസ് കേസെടുത്ത് അന്വേഷണം ആരംഭിച്ചിരുന്നു. യുവതി ഇരുന്ന സീറ്റിന് എതിര്‍വശത്തിരുന്ന യാത്രക്കാരനാണ് നഗ്നതാ പ്രദര്‍ശനം നടത്തിയത്. ആളുകള്‍ ബസിലേക്ക് കയറാന്‍ തുടങ്ങിയപ്പോള്‍ ഇയാള്‍ ഇറങ്ങിപ്പോയെന്നും യുവതി വെളിപ്പെടുത്തിയിരുന്നു.
