ഉറക്കകുറവ് ഫാറ്റി ലിവറിന് കാരണമാവുമോ ?; ഉറക്കവും കരളും തമ്മിലുള്ള ബന്ധമെന്ത് ?
കോഴിക്കോട്: ഫാറ്റി ലിവർ സ്ഥിരീകരിച്ചാൽ ഭൂരിഭാഗം ആളുകളും ചെയ്യുക പഞ്ചസാര ഒഴിവാക്കുക, ജിമ്മിൽ ചേരുക, നടത്തം തുടങ്ങുക എന്നിവയാണ്. എന്നാൽ, കരളിന്റെ ആരോഗ്യത്തിന് ഭക്ഷണത്തോടും വ്യായാമത്തോടും ഒപ്പം തന്നെ പ്രധാനമാണ് ഉറക്കവും. കരളിനെ സംബന്ധിച്ചിടത്തോളം ഡീപ്പ് സ്ലീപ്പ് എന്നത് അത്യാവശ്യ ഒരു പ്രതിരോധ പ്രക്രിയയാണ്. എന്താണ് ഫാറ്റി ലിവർ? ലളിതമായി പറഞ്ഞാൽ കരളിന്റെ കോശങ്ങളിൽ അമിതമായി കൊഴുപ്പ് അടിഞ്ഞുകൂടുന്ന അവസ്ഥയാണിത്. മദ്യപാനം മൂലം ഇത് സംഭവിക്കാം. എന്നാൽ, മദ്യപിക്കാത്തവരിലും മെറ്റബോളിക് തകരാറുകൾ, ഇൻസുലിൻ പ്രതിരോധം, , തെറ്റായ ജീവിതശൈലി എന്നിവ കാരണം ഈ രോഗം വരാം. ഇതിനെയാണ് നോൺ-ആൽക്കഹോളിക് ഫാറ്റി ലിവർ ഡിസീസ് എന്ന് വിളിക്കുന്നത്. ഉറക്കമില്ലായ്മ എങ്ങനെ കരളിനെ ബാധിക്കുന്നു? ശാസ്ത്രീയ പഠനങ്ങൾ പ്രകാരം കൃത്യമായ ഉറക്കം ലഭിക്കാത്തവരിലും ഡീപ്പ് സ്ലീപ്പ് ലഭിക്കാത്തവരിലും ഫാറ്റി ലിവർ വരാനുള്ള സാധ്യത വളരെ കൂടുതലാണ്. 1സ്ട്രെസ് ഹോർമോണുകളുടെ വർധനവ് ഉറക്കം കുറയുമ്പോൾ സമ്മർദം കൂടുന്നു. അത് ശരീരത്തിന്റെ മെറ്റബോളിസത്തെ സാരമായി ബാധിക്കുന്നു. കൃത്യമായി ഭക്ഷണം നിയന്ത്രിച്ചിട്ടും ഉറക്കം ശരിയല്ലാത്തവർക്ക് ഫാറ്റി ലിവർ കുറയാത്തതിന്റെ പ്രധാന കാരണം ഇതാണ്. 2. ഇൻസുലിൻ പ്രതിരോധം തുടർച്ചയായി ഉറക്കം തടസ്സപ്പെടുന്നത് ഗ്ലൂക്കോസ് നിയന്ത്രണത്തെ ബാധിക്കുന്നു. ഇത് ഇൻസുലിന്റെ ആവശ്യം വർദ്ധിപ്പിക്കുകയും കൊഴുപ്പ് അടിഞ്ഞുകൂടാൻ കാരണമാവുകയും ചെയ്യുന്നു. അമിതഭാരമില്ലാത്തവരിലും ഫാറ്റി ലിവർ കാണപ്പെടാൻ ഇത് ഒരു കാരണമാണ്. 3. വിശപ്പിന്റെ ഹോർമോണുകളിലെ മാറ്റം ഉറക്കക്കുറവ് വിശപ്പിനെ നിയന്ത്രിക്കുന്ന ഹോർമോണുകളെ താളംതെറ്റിക്കുന്നു. തൃപ്തി നൽകുന്ന ഹോർമോണായ ലെപ്റ്റിൻ കുറയുകയും വിശപ്പ് വർദ്ധിപ്പിക്കുന്ന ഗ്രെലിൻ കൂടുകയും ചെയ്യുന്നു. ഇത് അമിതമായി ഭക്ഷണം കഴിക്കാനും രാത്രികാലങ്ങളിൽ ലഘുഭക്ഷണം കഴിക്കാനുമുള്ള പ്രവണത വർദ്ധിപ്പിക്കുന്നു. 4. ബോഡി ക്ലോക്കിന്റെ താളംതെറ്റൽ (Circadian Rhythm) നമ്മുടെ ശരീരത്തിലെ ഓരോ അവയവത്തിനും കൃത്യമായ ഒരു സമയക്രമമുണ്ട്. കരളിന്റെ പ്രവർത്തനവും ഈ താളത്തിനനുസരിച്ചാണ് പ്രവർത്തിക്കുന്നത്. ഉറക്കത്തിന്റെ സമയം മാറുമ്പോൾ ഈ താളം തെറ്റുകയും കരളിന്റെ മെറ്റബോളിക് പ്രവർത്തനങ്ങൾ മന്ദഗതിയിലാവുകയും ചെയ്യുന്നു. 5. സ്ലീപ്പ് അപ്നിയ ഉറക്കത്തിനിടയിലുള്ള കൂർക്കംവലി, ശ്വാസംമുട്ടൽ എന്നിവ സ്ലീപ്പ് അപ്നിയയുടെ ലക്ഷണമാകാം. ഇത് രക്തത്തിലെ ഓക്സിജന്റെ അളവ് കുറയ്ക്കുകയും ഫാറ്റി ലിവർ രോഗം ഗുരുതരമാക്കാൻ കാരണമാവുകയും ചെയ്യുമെന്ന് പഠനങ്ങൾ വ്യക്തമാക്കുന്നു. വ്യായാമവും കരളിന് നല്ലതാണ്. എന്നാൽ ആവശ്യത്തിന് ഉറക്കം ലഭിച്ചില്ലെങ്കിൽ ഇവയൊന്നും പൂർണ്ണ ഫലം നൽകില്ല. ആരോഗ്യകരമായ ഒരു കരളിനായി ദിവസവും 7-8 മണിക്കൂർ ഉറക്കം ഉറപ്പാക്കണം. എല്ലാ ദിവസവും ഒരേ സമയത്ത് ഉറങ്ങാനും ഉണരാനും ശ്രമിക്കുക.
