വയനാട് ചുരത്തിൽ കാർ മറിഞ്ഞ് മൂന്ന് പേർക്ക് പരിക്ക്; വൈത്തിരിയിൽ സ്കൂട്ടർ അപകടത്തിൽ രണ്ട് പേർക്ക് പരിക്ക്

വൈത്തിരി: വയനാട് ചുരം ഒമ്പതാം വളവിന് മുകളിൽ കാർ നിയന്ത്രണം വിട്ട് ചാലിലേക്ക് മറിഞ്ഞ് മൂന്ന് പേർക്ക് പരിക്കേറ്റു. കോഴിക്കോട് മെഡിക്കൽ കോളജ് സ്വദേശികളായ അബ്ദുൽ ഗഫൂർ, സുബൈർ, സൈറാബി എന്നിവർക്കാണ് പരിക്കേറ്റത്. സൈറാബിയുടെ പരിക്ക് ഗുരുതരമാണ്.മറ്റൊരു സംഭവത്തിൽ വൈത്തിരി-പടിഞ്ഞാറത്തറ റോഡിൽ 12ാം പാലത്തിലുണ്ടായ സ്കൂട്ടർ അപകടത്തിൽ രണ്ട് പേർക്ക് പരിക്കേറ്റു. 12ാം പാലം സ്വദേശികളായ അനന്തകൃഷ്ണൻ (22), ഹസീബ് (21) എന്നിവർക്കാണ് പരിക്കേറ്റത്. അനന്തകൃഷ്ണന്‍റെ പരിക്ക് ഗുരുതരമാണ്. ഇരുവരെയും കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.