തൃശൂരിൽ മർദനമേറ്റ കർഷകൻ മരിച്ചു; പ്രതി റിമാൻഡിൽ

തൃശൂർ: തൃശൂർ നെടുപുഴയിൽ മർ​ദനമേറ്റ കർഷകൻ മരിച്ചു. മധുക്കര സ്വദേശി സന്തോഷാണ് മരിച്ചത്. നെടുപുഴ പള്ളിക്ക് സമീപം ഈ മാസം രണ്ടിനാ‌‌യിരുന്നു സംഭവം. നെടുപുഴ സ്വദേശി ഗണേഷാണ് സന്തോഷിനെ മർദിച്ചത്.കോൾപാടത്ത് കൃഷി ചെയ്യുന്നതുമായി ബന്ധപ്പെട്ട‌ തർക്കത്തിനിടെ പ്രകോപിതനായ ​ഗണേഷ് സന്തോഷിനെ കമ്പിയെടുത്ത് അടിക്കുകയായിരുന്നു. ഗുരുതരമായി പരിക്കേറ്റ സന്തോഷ് എലൈറ്റ് ആശുപത്രിയിൽ ചികിത്സയിലിരിക്കെയാണ് മരിച്ചത്. കേസിൽ അറസ്റ്റിലായ ഗണേഷ് നിലവിൽ റിമാൻഡിൽ ആണ്. ബിജെപി സ്ഥാനാർഥി സദാനന്ദൻ വാഴപ്പുള്ളിയുടെ അനുജനാണ് മരിച്ച സന്തോഷ്.