ഞെട്ടിക്കുന്ന വെളിപ്പെടുത്തൽ, കോഹ്ലിക്ക് വേണ്ടി ധോണി ക്യാപ്റ്റൻ സ്ഥാനം ഒഴിഞ്ഞതല്ല; പിന്നിലെ കാരണം പുറത്ത്
ഇന്ത്യൻ ഇതിഹാസം എം എസ് ധോണി തന്റെ ക്യാപ്റ്റൻ സ്ഥാനം വിരാട് കോഹ്ലിക്ക് വേണ്ടി മാറി കൊടുത്തതല്ല എന്ന് ഞെട്ടിക്കുന്ന വെളിപ്പെടുത്തലുമായി രംഗത്ത് എത്തിയിരിക്കുകയാണ് മുൻ ബിസിസിഐ സെലക്ഷൻ പാനൽ അംഗം ജതിൻ പരഞ്ജ്പെയും അന്നത്തെ ചീഫ് സെലക്ടറായിരുന്ന എംഎസ്കെ പ്രസാദും.
2014-ൽ ഓസ്ട്രേലിയൻ പര്യടനത്തിനിടെയാണ് അപ്രതീക്ഷിതമായി ധോണി ടെസ്റ്റ് ക്യാപ്റ്റൻ സ്ഥാനം ഒഴിയുന്നത്. പിന്നാലെ ബിസിസിഐ കോഹ്ലിയെ ടെസ്റ്റ് ക്യാപ്റ്റനാക്കി. പിന്നീട് 2017-ലാണ് ധോണിയിൽ നിന്ന് നിന്ന് ഏകദിന ക്യാപ്റ്റൻ സ്ഥാനവും കോഹ്ലിയിലേക്ക് എത്തി.
ധോണി ഈ തീരുമാനം സ്വയം എടുക്കുകയായിരുന്നു എന്നാണ് അന്ന് പ്രചരിച്ച റിപ്പോർട്ടുകൾ. എന്നാൽ അത് അങ്ങനെയായിരുന്നില്ല എന്നാണ് ഇപ്പോൾ പുറത്തുവരുന്ന വിവരം. ക്യാപ്റ്റൻ സ്ഥാനം ഒഴിയാൻ ബിസിസിഐ ധോണിയെ നിർബന്ധിക്കുകയായിരുന്നുവെന്നും സ്ഥാനമൊഴിയുകയാണെന്ന് വ്യക്തമാക്കി ഒരു ഇ മെയിൽ അയക്കാൻ ആവശ്യപ്പെട്ടുവെന്നുമാണ് ഇപ്പോഴത്തെ വെളിപ്പെടുത്തൽ.
