യുദ്ധഭീതി : എത്രയും പെട്ടെന്ന് ഇറാൻ വിടണം; ഇന്ത്യൻ പൗരൻമാക്ക് ജാഗ്രതാ നിർദ്ദേശവുമായി കേന്ദ്രസർക്കാർ
ന്യൂഡൽഹി: ഇറാനിലെ ഇന്ത്യൻ പൗരൻമാക്ക് ജാഗ്രതാ നിർദ്ദേശവുമായി കേന്ദ്രസർക്കാർ. ഇന്ത്യക്കാർ എത്രയും പെട്ടന്ന് ഇറാൻ വിടണമെന്നാണ് നിർദ്ദേശം. ഇതിനായി വാണിജ്യ വിമാനങ്ങൾ ഉൾപ്പെടെ ലഭ്യമായ ഏത് ഗതാഗതവും ഉപയോഗിക്കാൻ ടെഹ്റാനിലെ ഇന്ത്യൻ എംബസി ഇന്ത്യക്കാരോട് ആവശ്യപ്പെട്ടിട്ടുണ്ട്.എല്ലാ ഇന്ത്യൻ പൗരന്മാരും ജാഗ്രത പുലർത്തണം. പ്രതിഷേധങ്ങളോ പ്രകടനങ്ങളോ ഉള്ള പ്രദേശങ്ങൾ ഒഴിവാക്കണം. ഇറാനിലെ ഇന്ത്യൻ എംബസിയുമായി സമ്പർക്കം പുലർത്തണം. സംഭവവികാസങ്ങൾക്കായി പ്രാദേശിക മാധ്യമങ്ങൾ നിരീക്ഷിക്കണമെന്നും നിർദ്ദേശത്തിൽ പറയുന്നു.പാസ്പോർട്ടുകളും മറ്റ് പ്രധാന യാത്രാ രേഖകളും തയ്യാറാക്കി സൂക്ഷിക്കാനും ഇന്ത്യൻ പൗരന്മാരോട് ആവശ്യപ്പെട്ടിട്ടുണ്ട്. ഇതുവരെ എംബസിയിൽ രജിസ്റ്റർ ചെയ്യാത്തവർ ഔദ്യോഗിക ഓൺലൈൻ പോർട്ടൽ വഴി രജിസ്റ്റർ ചെയ്യാൻ ആവശ്യപ്പെട്ടിട്ടുണ്ട്. ഇന്ത്യൻ എംബസിയുടെ എമർജൻസി കോൺടാക്റ്റ് മൊബൈൽ നമ്പറുകൾ: +989128109115; +989128109109; +989128109102; +989932179359. ഇമെയിൽ: [email protected]ഇറാനിലെ ചില ഭാഗങ്ങളിൽ വിദ്യാർത്ഥികളുടെ നേതൃത്വത്തിലുള്ള പ്രതിഷേധം ശക്തിപ്രാപിക്കുകയാണ്. കൂടാതെ ആണവായുധവുമായി ബന്ധപ്പെട്ട് ടെഹ്റാനും വാഷിംഗ്ടണും തമ്മിലുള്ള സംഘർഷം വർദ്ധിക്കുകയാണ്. ഇതിന്റെ പശ്ചാചത്തലത്തിലാണ് മുന്നറിയിപ്പ്.
