പരസ്പര സമ്മതത്തോടെ ശാരീരിക ബന്ധം, പിന്നീട് വ്യാ​ജ ബ​ലാ​ത്സം​ഗ പ​രാ​തി; 24 കാരിക്ക് മൂന്നര വർഷം ത​ട​വ്

ലക്നൗ: വ്യാ​ജ ബ​ലാ​ത്സം​ഗ പ​രാ​തിയിൽ യു​വ​തി​യെ 42 മാ​സം ത​ട​വി​ന് ശി​ക്ഷി​ച്ച് കോ​ട​തി. 24 കാ​രി​ക്കാണ് ലക്നൗ​ കോ​ട​തിയുടെ ശി​ക്ഷ. ബി​എ​ൻ​എ​സിലെ 217, 248, 331 വ​കു​പ്പു​ക​ൾ പ്ര​കാ​ര​മാ​ണ് ശിക്ഷ നൽകിയിരിക്കുന്നത്.യു​വാ​വ് ബ​ലാ​ത്സം​ഗം ചെയ്തെന്നും ആ​ക്ര​മിച്ചെന്നും കാണിച്ചാണ് യുവതി പരാതി നൽകിയത്. ക​ഴി​ഞ്ഞ അ​ഞ്ച് വ​ർ​ഷ​മാ​യി യു​വാ​വു​മാ​യി പ്ര​ണ​യ​ത്തി​ലാ​ണെ​ന്നും വിവാഹ വാഗ്ദാനം നൽകി ലൈം​ഗി​കമായി ഉപയോഗിച്ചുവെന്നും യു​വ​തി ആ​രോ​പി​ച്ചിരുന്നു. കൂടാതെ യുവാവിന്റെ അമ്മയും സഹോദരനും ശാരീരികമായി ഉപദ്രവിച്ചെന്നും പരാതിയിൽ പറഞ്ഞിരുന്നു. തുടർന്ന് കേസെടുത്ത പൊലീസ് ബ​ലാ​ത്സം​ഗം, എ​സ്‌​സി/​എ​സ്ടി നിയമ പ്രകാരം അറസ്റ്റ് ചെയ്തു.പിന്നീട് വിശദമായ അന്വേഷണത്തിൽ യുവതിയുടെ പരാതി വ്യാജമാണെന്ന് പൊലീസ് കണ്ടെത്തി. വ​ർ​ഷ​ങ്ങ​ളാ​യി ഇ​രു​വ​രും പ​ര​സ്പ​ര സ​മ്മ​ത​ത്തോ​ടെ ശാരീരിക ബന്ധം പുലർത്തിയിരുന്നു. യുവാവ് വിവാഹം കഴിച്ചതിന് ശേഷവും യുവതി ഈ ബന്ധം തുടർന്നുവെന്നും കണ്ടെത്തി. തെ​ളി​വു​ക​ൾ പ​രി​ശോ​ധി​ച്ച കോടതി കു​റ്റ​കൃ​ത്യ​ത്തി​ന് പ്ര​ഥ​മ​ദൃ​ഷ്ട്യാ തെ​ളി​വി​ല്ലെ​ന്ന് വ്യക്തമാക്കി. യു​വാ​വ് വി​വാ​ഹി​ത​നാ​ണെ​ന്ന​റി​ഞ്ഞി​ട്ടും ബ​ന്ധം തു​ട​ർ​ന്ന പ​രാ​തി​ക്കാ​രി​ക്ക് തന്നെ താ​ൻ തെ​റ്റി​ദ്ധ​രി​പ്പി​ക്ക​പ്പെ​ട്ടു എ​ന്ന് അ​വ​കാ​ശ​പ്പെ​ടാ​ൻ ക​ഴി​യി​ല്ലെ​ന്നും കോ​ട​തി ചൂണ്ടിക്കാട്ടി.