യു ഏ യിൽ പെട്രോളിനും ഡീസലിനും വില വർധിച്ചു
ദുബൈ: രാജ്യത്ത് ഇന്ധന വില പുതുക്കി നിശ്ചയിച്ചു. കഴിഞ്ഞ മാസത്തെ അപേക്ഷിച്ച് പെട്രോളിനും ഡീസലിനും നേരിയ തോതിൽ വില വർധിച്ചു. സൂപ്പർ 98 പെട്രോൾ വില 2.45 ദിർഹമിൽ നിന്ന് 2.59 ദിർഹമായി. സ്പെഷ്യൽ 95 പെട്രോളിന് 2.48 ദിർഹമാണ് വില. കഴിഞ്ഞ മാസം ഇത് 2.33 ദിർഹമായിരുന്നു. ഇ-പ്ലസ് പെട്രോൾ വില 2.26 ദിർഹമിൽനിന്ന് 2.40 ദിർഹമിലെത്തി. ഡീസൽ വില ലിറ്ററിന് 2.72 ദിർഹമാണ് പുതുക്കിയ വില. കഴിഞ്ഞ മാസം 2.52 ദിർഹമായിരുന്നു. പുതുക്കിയ വില അർധരാത്രി മുതൽ നിലവിൽ വന്നു. രാജ്യാന്തര തലത്തിൽ ക്രൂഡോയിൽ വിലയിൽ വരുന്ന മാറ്റത്തിന് അനുസരിച്ചാണ് വിലനിർണയ സമിതി യു.എ.ഇയിൽ എല്ലാ മാസവും ഇന്ധന വില പുതുക്കി നിശ്ചയിക്കുന്നത്.
