കൊടുംചൂട് : മൂന്ന് ഡിഗ്രി സെല്ഷ്യസ് വരെ താപനില ഉയര്ന്നേക്കും, ജാഗ്രത
കണ്ണൂർ: സംസ്ഥാനത്ത് വരും ദിവസങ്ങളില് കൊടും ചൂട് തുടരും. ഏപ്രില് 14 വരെ പത്ത് ജില്ലകളില് സാധാരണയേക്കാള് രണ്ട് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ട്.
പാലക്കാട്, കോഴിക്കോട്, കൊല്ലം, കാസര്കോട് ജില്ലകളില് താപനില 38 ഡിഗ്രി സെല്ഷ്യസ് വരെയും കണ്ണൂര്, ആലപ്പുഴ, കോട്ടയം, എറണാകുളം, തൃശൂര് ജില്ലകളില് 37 ഡിഗ്രി സെല്ഷ്യസ് വരെയും വര്ധിക്കാന് സാധ്യതയുണ്ട്.
അതിനാല് പൊതുജനങ്ങള് ജാഗ്രത പാലിക്കണമെന്ന് അധികൃതര് നിര്ദ്ദേശിച്ചു.
തുടര്ച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്ര രോഗങ്ങള്ക്കും മറ്റുള്ള ആരോഗ്യ പ്രശ്നങ്ങള്ക്കും കാരണമായേക്കാം.
