സംസ്ഥാനത്ത് വൈദ്യുതി ഉപയോഗം വീണ്ടും സര്വകാല റെക്കോര്ഡില്; പവര്കട്ടോ ലോഡ് ഷെഡിങ്ങോ ഉണ്ടാകില്ല: കെ. കൃഷ്ണന്കുട്ടി
സംസ്ഥാനത്തെ വൈദ്യുതി ഉപയോഗം സര്വകാല റെക്കോര്ഡില്. കഴിഞ്ഞ ദിവസം 6033 മെഗാവാട്ട് വൈദ്യുതിയാണ് കഴിഞ്ഞ ദിവസം ഉപയോഗിച്ചതെന്ന് വൈദ്യുത മന്ത്രി കെ. കൃഷ്ണന്കുട്ടി വ്യക്തമാക്കി. അതേസമയം പവര്കട്ടോ ലോഡ് ഷെഡിങ്ങോ ഉണ്ടാകില്ലെന്നും അദ്ദേഹം വ്യക്തമാക്കി.
മറ്റ് സംസ്ഥാനങ്ങളില് നിന്നും കൂടുതല് വൈദ്യുതി ലഭിക്കുമെന്നും അദ്ദേഹം പറഞ്ഞുഎസി, ഫാന് ഉപയോഗം കൂടിയതിന് പുറമേ ഗ്യാസ് ഇല്ലാത്തതിനാല് ഇന്റക്ഷന് കുക്കര് ഉപയോഗം വര്ധിച്ചതുമാണ് വൈദ്യുതി ഉപയോഗം വര്ധിക്കാന് കാരണം.
ഡാമുകളില് ജലനിരപ്പ് കുറഞ്ഞു. മെയ് മാസത്തോടെ മഴ ലഭിച്ചു തുടങ്ങും. അതിനാല് വൈദ്യുതി ഉപയോഗത്തെ ബാധിക്കില്ലെന്നും ജനങ്ങള് തന്നെ പീക്ക് അവറിലെ വൈദ്യൂതി ഉപയോഗം കുറക്കാന് പരമാവധി ശ്രമിക്കണമെന്നും മന്ത്രി പറഞ്ഞു.
