കോഴിക്കോട് ബേബി മെമ്മോറിയല്‍ ആശുപത്രിയില്‍ തീപ്പിടിത്തം
കോഴിക്കോട് നഗര മധ്യത്തിലെ ബേബി മെമ്മോറിയല്‍ ആശുപത്രി കെട്ടിടത്തില്‍ തീപിടുത്തം. ആശുപത്രിയിലെ പുതിയ കെട്ടിടമായ സി ബ്ലോക്കിലെ ഏറ്റവും മുകള്‍ ഭാഗത്താണ് തീപ്പിടിത്തം.
ഒമ്പതാം നിലയില്‍ എസി പ്ലാന്റ് ഉള്‍പ്പെടെ പ്രവര്‍ത്തിക്കുന്ന ഭാഗത്താണ് തീപ്പിടിത്തം. അവിടെ രോഗികള്‍ ഇല്ലെന്നും മെയിന്റനന്‍സ് ജീവനക്കാര്‍ മാത്രമേ അങ്ങോട്ട് പോകാറുള്ളുവെന്നും ആശുപത്രി ജീവനക്കാര്‍ പറഞ്ഞു. കെട്ടിടത്തിന് മുകളില്‍ നിന്ന് തീയും പുകയും ഉയരുന്ന ദൃശ്യങ്ങള്‍ പുറത്തുവന്നു. 9.30 നാണു കെട്ടിടത്തിന് തീപ്പിടിച്ചത്.
അഗ്നി ശമന സേനയും പോലീസും സ്ഥലത്തെത്തി. ആശങ്കയ്ക്കുള്ള സാഹചര്യമില്ലെന്ന് ആശുപത്രി അധികൃതര്‍ വ്യക്തമാക്കി. തീ നിയന്ത്രണ വിധേയമാക്കി. രോഗികൾ എല്ലാം സുരക്ഷിതരാണ്.
