രജനീകാന്തിന്റെ അയൽക്കാരിയായി നയൻതാര; പോയസ് ഗാർഡനിൽ 31.5 കോടിയുടെ പുതിയ ആഡംബര വസതി

ചെന്നൈ: തെന്നിന്ത്യൻ ലേഡി സൂപ്പർസ്റ്റാർ നയൻതാരയും സംവിധായകൻ വിഘ്നേഷ് ശിവനും ചെന്നൈയിലെ അതിസമ്പന്ന മേഖലയായ പോയസ് ഗാർഡനിൽ പുതിയ ആഡംബര വസതി സ്വന്തമാക്കി. 31.5 കോടി രൂപ വിലമതിക്കുന്ന ബൃഹത്തായ ഡ്യൂപ്ലക്സ് അപ്പാർട്ട്മെന്റാണ് താരദമ്പതികൾ വാങ്ങിയത്. സൂപ്പർ താരം രജനീകാന്ത്, അന്തരിച്ച തമിഴ്നാട് മുൻ മുഖ്യമന്ത്രി ജയലളിത എന്നിവരുടെ വസതികൾ സ്ഥിതി ചെയ്യുന്ന പോയസ് ഗാർഡനിലെ ‘ലെഗസി’ പ്രൊജക്റ്റിലാണ് ഈ സ്വപ്ന ഭവനം.AdvertismentAlso Read: ചേട്ടനും അനിയനും ഇനി ഒരേ ദിവസം ആഘോഷിക്കാം; അല്ലു സിരീഷിന്റെ വിവാഹത്തിന് പിന്നിലെ ആ കൗതുകം!ആഡംബരത്തിന്റെ വിസ്മയ കാഴ്ചകൾപോയസ് ഗാർഡനിലെ ഈ വസതിയുടെ വലുപ്പവും സൗകര്യങ്ങളും ഏതൊരാളെയും അത്ഭുതപ്പെടുത്തുന്നതാണ്. നാല്, അഞ്ച് നിലകളിലായി വ്യാപിച്ചുകിടക്കുന്ന ഈ ഡ്യൂപ്ലക്സ് അപ്പാർട്ട്മെന്റിന് 14,369 ചതുരശ്ര അടി വിസ്തീർണ്ണമാണുള്ളത്. ചതുരശ്ര അടിക്ക് ഏകദേശം 21,946 രൂപ എന്ന നിരക്കിലാണ് ഈ വമ്പൻ ഇടപാട് നടന്നത്. എട്ട് കാറുകൾ പാർക്ക് ചെയ്യാനുള്ള വിശാലമായ പാർക്കിംഗ് ഏരിയയും ഈ ആഡംബര വസതിയുടെ ഭാഗമാണ്.AdvertismentAlso Read: അല്ലുവിന്റെ വീട്ടിലെ കല്യാണം കൂടാൻ  സൂര്യ എത്തിയപ്പോൾ; ചിത്രങ്ങൾഉടമസ്ഥാവകാശത്തിൽ ‘ലേഡി സൂപ്പർസ്റ്റാർ’ തന്നെ മുന്നിൽസിനിമയിലെന്ന പോലെ റിയൽ എസ്റ്റേറ്റ് നിക്ഷേപങ്ങളിലും നയൻതാരയുടെ കരുത്തുറ്റ സാന്നിധ്യം ഈ ഇടപാടിലും പ്രകടമാണ്. രേഖകൾ പ്രകാരം പ്രോപ്പർട്ടിയുടെ 90 ശതമാനം ഉടമസ്ഥാവകാശവും നയൻതാരയുടെ പേരിലാണ്. ബാക്കി 10 ശതമാനം വിഹിതം മാത്രമാണ് ഭർത്താവ് വിഘ്നേഷ് ശിവനുള്ളത്. 2025 ഡിസംബർ 15-നാണ് ലാൻഡ്‌മാർക്ക് മെട്രോ പ്രോജക്ട്‌സിൽ നിന്നും ഇരുവരും ഈ വസ്തു ഔദ്യോഗികമായി രജിസ്റ്റർ ചെയ്ത് വാങ്ങിയത്.Also Read: തമ്മിൽ ഏറ്റുമുട്ടി പേർളിയും കാർത്തിക് സൂര്യയും; വൈറലായി വീഡിയോചെന്നൈയ്ക്ക് പുറമെ മറ്റ് നഗരങ്ങളിലും നയൻതാരയ്ക്ക് വൻതോതിലുള്ള നിക്ഷേപങ്ങളുണ്ട്. ഹൈദരാബാദിലെ ബഞ്ചാര ഹിൽസിൽ 15 കോടി രൂപ വീതം വിലമതിക്കുന്ന രണ്ട് വീടുകളും കേരളത്തിൽ അതീവ ആഡംബരങ്ങളുള്ള കുടുംബവീടും താരത്തിനുണ്ട്. 2024-ൽ നടൻ ധനുഷ് 150 കോടിയുടെ ബംഗ്ലാവ് പണിതതോടെ വാർത്തകളിൽ നിറഞ്ഞ പോയസ് ഗാർഡനിലേക്കാണ് ഇപ്പോൾ നയൻതാരയും വിഘ്നേഷും തങ്ങളുടെ താമസം മാറ്റുന്നത്.