കുട്ടികളിലെ വിറ്റാമിൻ ഡി കുറവ്: അവഗണിക്കാനാവാത്ത ആരോഗ്യ പ്രശ്‌നം

വിറ്റാമിൻ ഡിയുടെ കുറവ് കുട്ടികൾ ഉൾപ്പെടെ എല്ലാ പ്രായക്കാർക്കും ഇന്ന് ഒരു പ്രധാന പൊതുജനാരോഗ്യ പ്രശ്‌നമാണ്. ഇന്ത്യയിൽ 50-90% കുട്ടികൾക്ക് വിറ്റാമിൻ ഡി കുറവ് അല്ലെങ്കിൽ അപര്യാപ്തത അനുഭവപ്പെടുന്നു, എന്നാൽ ഇതേക്കുറിച്ചുള്ള അവബോധം പൊതുജനങ്ങളിൽ വളരെ കുറവാണ്. വിറ്റാമിൻ ഡിയുടെ കുറവ് കുട്ടിയുടെ വളർച്ച, രോഗപ്രതിരോധ ശേഷി, മാനസികാരോഗ്യം എന്നിവയെ പ്രതികൂലമായി ബാധിക്കും, അതുകൊണ്ടു തന്നെ ശരിയായ ചികിത്സ വളരെ പ്രധാനമാണ്. കുട്ടികളിലെ മാനസികാരോഗ്യവും വർധിച്ചുവരുന്ന ആത്മഹത്യാ പ്രവണതകളും: ഭയപ്പെടുത്തുന്ന വസ്തുത കുട്ടികളുടെ മാനസികാരോഗ്യവും വർധിച്ചുവരുന്ന ആത്മഹത്യാ പ്രവണതകളും വർത്തമാനകാലത്തെ ഏറ്റവും ഭയപ്പെടുത്തുന്ന ഒരു വസ്തുതയാണ്. വിറ്റാമിൻ ഡിയുടെ കുറവും വിഷാദരോഗവും തമ്മിൽ ശക്തമായ ബന്ധമുണ്ടെന്ന് ശാസ്ത്രീയ പഠനങ്ങൾ തെളിയിക്കുന്നുണ്ട്. ഒരു കുട്ടിക്ക് പെട്ടെന്ന് ദേഷ്യം വരിക, നിസാര കാര്യങ്ങൾക്ക് സങ്കടം തോന്നുക, പഠനത്തിൽ ശ്രദ്ധ കേന്ദ്രീകരിക്കാൻ കഴിയാതെ വരിക തുടങ്ങിയവയെല്ലാം പലപ്പോഴും വെറും ‘സ്വഭാവദൂഷ്യം’ ആയി നാം തെറ്റിദ്ധരിക്കാറുണ്ട്. എന്നാൽ ശരീരത്തിലെ രാസമാറ്റങ്ങൾ പ്രത്യേകിച്ച് കൗമാരത്തിലേക്ക് കടക്കുന്ന കുട്ടികളിൽ ഇത് വലിയൊരു പങ്കുവഹിക്കുന്നുണ്ട്. വിറ്റാമിൻ ഡി അളവ് കുറവുള്ള കുട്ടികൾക്ക് വിഷാദം പോലുള്ള മാനസികാവസ്ഥാ തകരാറുകൾ ഉണ്ടാകാനുള്ള സാധ്യത കൂടുതലാണെന്ന് പുതിയ ഗവേഷണങ്ങൾ സൂചിപ്പിക്കുന്നു. ശാരീരിക വികസനത്തിന് മാത്രമല്ല, മൊത്തത്തിലുള്ള ആരോഗ്യത്തിനും വൈകാരിക പ്രതിരോധശേഷിക്കും വളർച്ചാ വർഷങ്ങളിൽ മതിയായ വിറ്റാമിൻ ഡി ലഭിക്കേണ്ടത്/കഴിക്കുന്നത് ഉറപ്പാക്കേണ്ടതിന്റെ പ്രാധാന്യം ഇത് എടുത്തുകാണിക്കുന്നു. വിറ്റാമിൻ ഡി മാനസികാരോഗ്യത്തെ എങ്ങനെ ബാധിക്കുന്നു? 1. തലച്ചോറിലെ ‘സന്തോഷം’ നിയന്ത്രിക്കുന്നതിൽ വിറ്റാമിൻ ഡിയുടെ പങ്ക് നമ്മുടെ തലച്ചോറിൽ സന്തോഷവും സമാധാനവും നൽകുന്ന ഹോർമോണാണ് സെറോടോണിൻ (Serotonin). ഇതിനെ ‘Feel-good hormone’ എന്നും വിളിക്കാറുണ്ട്. ഭക്ഷണത്തിൽ നിന്ന് ലഭിക്കുന്ന ട്രിപ്‌റ്റോഫാൻ (Tryptophan) എന്ന അമിനോ ആസിഡിനെ സെറോടോണിൻ എന്ന ഹാപ്പി ഹോർമോൺ ആക്കി മാറ്റാൻ വിറ്റാമിൻ ഡി അത്യാവശ്യമാണ്. ശരീരത്തിൽ വിറ്റാമിൻ ഡി കുറയുമ്പോൾ സെറോടോണിന്റെ അളവ് കുറയുന്നതിന് ഒരു കാരണമിതാണ്, ഇത് കുട്ടികളിൽ പെട്ടെന്നുള്ള മൂഡ് മാറ്റങ്ങൾക്കും വിഷാദത്തിനും കാരണമാകുന്നു. 2. തലച്ചോറിന്റെ സംരക്ഷണം (Neuroprotection) വിറ്റാമിൻ ഡി വെറുമൊരു വിറ്റാമിൻ മാത്രമല്ല, അതൊരു ന്യൂറോസ്റ്റിറോയിഡ് (Neurosteroid) കൂടിയാണ്. നമ്മുടെ തലച്ചോറിൽ വികാരങ്ങളെ നിയന്ത്രിക്കുന്ന ഭാഗങ്ങളിൽ (Hippocampus, Prefrontal Cortex) വിറ്റാമിൻ ഡി സ്വീകരിക്കുന്ന റിസപ്റ്ററുകൾ (Vitamin D Receptors) ധാരാളമുണ്ട്. വിറ്റാമിൻ ഡിയുടെ കുറവ് തലച്ചോറിലെ ന്യൂറോണുകളുടെ പ്രവർത്തനത്തെ മന്ദഗതിയിലാക്കുകയും, അത് ഉത്കണ്ഠ (Anxiety), ഏകാഗ്രതക്കുറവ് എന്നിവയ്ക്ക് കാരണമാവുകയും ചെയ്യുന്നു. 3. ഉറക്കമില്ലായ്മയും ക്ഷീണവും മാനസികാരോഗ്യത്തിന് ഏറ്റവും പ്രധാനപ്പെട്ടതാണ് നല്ല ഉറക്കം. ഉറക്കത്തെ നിയന്ത്രിക്കുന്ന മെലറ്റോണിൻ (Melatonin) എന്ന ഹോർമോണിന്റെ പ്രവർത്തനത്തിനും വിറ്റാമിൻ ഡി ആവശ്യമാണ്. പഠിക്കുന്ന കുട്ടികളിൽ വിറ്റാമിൻ ഡി കുറയുമ്പോൾ അവർക്ക് രാത്രിയിൽ നല്ല ഉറക്കം ലഭിക്കില്ല. ഉറക്കക്കുറവ് കുട്ടികളെ കൂടുതൽ ദേഷ്യമുള്ളവരും നിരാശരുമാക്കുന്നു (Irritable). ഇത് പരീക്ഷാപ്പേടിയും ആത്മഹത്യാചിന്തകളും വർധിക്കാൻ ഇടയാക്കും. മാതാപിതാക്കൾ അറിഞ്ഞിരിക്കേണ്ട മൂന്ന് പ്രധാന ഘടകങ്ങൾ 1. വിറ്റാമിൻ ഡിയുടെ പങ്ക്: ശരീരത്തിന്റെയും മനസ്സിന്റെയും അടിത്തറ വിറ്റാമിൻ ഡി കുറവ് കുട്ടിയുടെ മാനസികാവസ്ഥയെ നേരിട്ട് ബാധിക്കുന്നു. ഇത് വെറും പോഷണത്തിലെ കുറവ് മാത്രമല്ല, മറിച്ച് മാനസിക സമാധാനത്തിന്റെ അഭാവം കൂടിയാണ് എന്ന് മനസ്സിലാക്കുക. വിറ്റാമിൻ ഡി കുറവുള്ള കുട്ടികൾ; എളുപ്പം പ്രകോപിതരാകുന്നു (Irritability) സാമൂഹികമായ ഇടപെടലുകളിൽ നിന്ന് പിന്മാറുന്നു (Social withdrawal) നിസ്സഹായത അനുഭവിക്കുന്നു (Feeling of helplenssess) ആത്മവിശ്വാസം നഷ്ടപ്പെടുന്നു ഇതെല്ലാം കൂടി ഗുരുതരമായ വിഷാദത്തിലേക്കും ആത്മഹത്യാ ചിന്തകളിലേക്കും നയിച്ചേക്കാം. 2. ഔട്ട്ഡോർ ആക്ടിവിറ്റികളുടെ പ്രാധാന്യം: സൂര്യപ്രകാശവും വ്യായാമവും ഇന്നത്തെ കുട്ടികൾ മൊബൈൽ ഫോണുകളിലും ഗെയിമിംഗിലും സമയം ചെലവഴിക്കുമ്പോൾ, പുറത്ത് കളിക്കാനുള്ള അവസരങ്ങൾ തീരെ ഇല്ലാതാകുന്നു. ഇത് രണ്ട് വിധത്തിൽ ദോഷകരമാണ്: ശാരീരികമായി: സൂര്യപ്രകാശം ഇല്ലാത്തതിനാൽ വിറ്റാമിൻ ഡി ഉത്പാദനം നിലയ്ക്കുന്നു. വ്യായാമമില്ലായ്മ പേശികളെ ദുർബലപ്പെടുത്തുന്നു പൊണ്ണത്തടി വർധിക്കുന്നു. മാനസികമായി: വ്യായാമം ചെയ്യുമ്പോളും കായിക വിനോദങ്ങളിലേർപെടുമ്പോളും തലച്ചോറിൽ എൻഡോർഫിൻസ് (ാndorphins – Natural feel-good chemicals) ഉത്പാദിപ്പിക്കപ്പെടുന്നു ഇത് സ്വാഭാവികമായ ആന്റിഡിപ്രസന്റ് ആയി പ്രവർത്തിക്കുന്നു ഔട്ട്ഡോർ പ്രവർത്തനങ്ങൾ സ്‌ട്രെസ് കുറയ്ക്കുകയും ആത്മവിശ്വാസം വർധിപ്പിക്കുകയും ചെയ്യുന്നു ശാസ്ത്രീയ വസ്തുത: പ്രതിദിനം 30-45 മിനിറ്റ് ഔട്ട്ഡോർ ആക്ടിവിറ്റി കുട്ടികളുടെ വിഷാദലക്ഷണങ്ങൾ 40% വരെ കുറയ്ക്കുന്നതായി പഠനങ്ങൾ തെളിയിക്കുന്നുണ്ട്. 3. സഹപാഠികളുടെ സ്വാധീനം (Peer Influence): നല്ലതും ചീത്തയും കൗമാരപ്രായത്തിൽ സുഹൃത്തുക്കളുടെ അഭിപ്രായവും പെരുമാറ്റവും കുട്ടികളെ വളരെയധികം സ്വാധീനിക്കുന്നു. ഇത് രണ്ട് വിധത്തിൽ പ്രവർത്തിക്കുന്നു: പോസിറ്റീവ് പീയർ ഇൻഫ്‌ലുവൻസ്: കായികമോ സാംസ്‌കാരികമോ ആയ പ്രവർത്തനങ്ങളിൽ പങ്കെടുക്കുന്ന സുഹൃത്തുക്കൾ കുട്ടിയെയും സജീവമാക്കുന്നു ഗ്രൂപ്പ് സ്പോർട്സിലും ഔട്ട്ഡോർ ഗെയിമുകളിലും പങ്കാളിയാകാൻ പ്രേരിപ്പിക്കുന്നു സോഷ്യൽ സപ്പോർട്ട് മാനസിക ശക്തി പകരുന്നു നെഗറ്റീവ് പീയർ ഇൻഫ്‌ലുവൻസ്: വീഡിയോ ഗെയിമുകളിലും സോഷ്യൽ മീഡിയയിലും മാത്രം സമയം ചെലവഴിക്കുന്ന കൂട്ടുകാർ ബോഡി ഷെയ്മിംഗ്, ബുള്ളിയിംഗ് തുടങ്ങിയവ വിറ്റാമിൻ ഡി കുറവുള്ള കുട്ടികളുടെ ആത്മവിശ്വാസം കൂടുതൽ തകർക്കുന്നു ഇത് സാമൂഹിക ഒറ്റപ്പെടലിലേക്കും വിഷാദത്തിലേക്കും നയിക്കുന്നു മാതാപിതാക്കൾ ശ്രദ്ധിക്കേണ്ടത്: നിങ്ങളുടെ കുട്ടി ആരുമായാണ് സമയം ചെലവഴിക്കുന്നത് എന്നത് വളരെ പ്രധാനമാണ്. സജീവവും പോസിറ്റീവുമായ സുഹൃത്ത് ബന്ധങ്ങൾ കുട്ടിയെ പുറത്തിറങ്ങാനും സൂര്യപ്രകാശത്തിൽ സമയം ചെലവഴിക്കാനും പ്രേരിപ്പിക്കും. വിറ്റാമിൻ ഡി, വ്യായാമം, സുഹൃത്തുക്കൾ: ഒരു സംയോജിത സമീപനം ഈ മൂന്ന് ഘടകങ്ങളും പരസ്പരം ബന്ധപ്പെട്ടിരിക്കുന്നു: സൂര്യപ്രകാശം – വിറ്റാമിൻ ഡി – നല്ല മാനസികാവസ്ഥ ഔട്ട്ഡോർ പ്രവർത്തനങ്ങൾ – വ്യായാമം – എൻഡോർഫിൻസ് – സന്തോഷം പോസിറ്റീവ് സുഹൃത്ത് ബന്ധം – സോഷ്യൽ സപ്പോർട്ട് – ആത്മവിശ്വാസം ഈ മൂന്നും ഒരുമിച്ച് പ്രവർത്തിക്കുമ്പോൾ;കുട്ടിയുടെ മാനസികാരോഗ്യം മെച്ചപ്പെടുന്നു വിഷാദത്തിനും ഉത്കണ്ഠയ്ക്കും എതിരെ പ്രതിരോധം ശക്തമാകുന്നു ആത്മഹത്യാ ചിന്തകൾ ഉണ്ടാകാനുള്ള സാധ്യത ഗണ്യമായി കുറയുന്നു ശാരീരിക ലക്ഷണങ്ങൾ ആവശ്യത്തിന് വിറ്റാമിൻ ഡി ഇല്ലെങ്കിൽ, കുട്ടികൾക്ക് പേശി വേദന, ക്ഷീണം, (കാൽസ്യം ആഗിരണം മോശമാകുന്നത് മൂലം ശാരീരിക പ്രവർത്തനങ്ങളിൽ ബുദ്ധിമുട്ട്) എന്നിവ അനുഭവപ്പെടാം. ഇത് പേശികളെ ദുർബലപ്പെടുത്തുന്നതിനും അസ്ഥികളിൽ അസ്വസ്ഥതയ്ക്കും കാരണമാകുന്നു. പൊണ്ണത്തടിയുമായുള്ള ബന്ധം വിറ്റാമിൻ ഡിയുടെ അളവ് കുറയുന്നത് പലപ്പോഴും ശരീരത്തിലെ കൊഴുപ്പിന്റെ അളവ് കൂടുന്നതും പൊണ്ണത്തടി ഉണ്ടാകാനുള്ള സാധ്യത വർധിക്കുന്നതുമാണ്. അമിതഭാരമുള്ള കുട്ടികളിൽ ശരീരത്തിലെ അധിക കൊഴുപ്പ് വിറ്റാമിൻ ഡി സംഭരിക്കാൻ ഇടയാക്കും, ഇത് ശരീരത്തിന് ഫലപ്രദമായി ഉപയോഗിക്കാനുള്ള വിറ്റാമിൻ ഡിയുടെ ലഭ്യത കുറയ്ക്കുന്നു. സൂര്യപ്രകാശം: പ്രധാന സ്രോതസ്സ് സൂര്യപ്രകാശമാണ് വിറ്റാമിൻ ഡി ഉണ്ടാക്കുന്നതിനുള്ള പ്രധാന മാർഗം. വീടിനുള്ളിൽ കൂടുതൽ സമയം ചെലവഴിക്കുന്ന കുട്ടികൾക്ക് ഇത് കുറയാം, പ്രത്യേകിച്ച് പുതിയ തലമുറ കളികളിലും കായിക വിനോദങ്ങളിലും ഏർപ്പെടുന്നത് വളരെ കുറഞ്ഞ ഈ സാഹചര്യത്തിൽ. പുറത്തുപോകുമ്പോൾ, വസ്ത്രങ്ങളും സൂര്യപ്രകാശത്തിൽ നിന്നും സംരക്ഷണത്തിനായി ക്രീമുകളും ഉപകരണങ്ങളും വിറ്റാമിൻ ഡി ഉത്പാദിപ്പിക്കാൻ ആവശ്യമായ അൾട്രാവയലറ്റ് രശ്മികളെ തടഞ്ഞേക്കാം. കേരളത്തിലെ സാഹചര്യത്തിൽ കുട്ടികളിൽ ഈ കുറവ് വരാനുള്ള പ്രധാന കാരണങ്ങൾ സൂര്യപ്രകാശത്തിന്റെ അഭാവം: പരീക്ഷാക്കാലത്ത് കുട്ടികൾ ഭൂരിഭാഗം സമയവും മുറിക്കുള്ളിൽ തന്നെ ചിലവഴിക്കുന്നു. രാവിലെ 10 മണി മുതൽ ഉച്ചയ്ക്ക് 2 വരെയുള്ള വെയിൽ കൊള്ളാനുള്ള അവസരം അവർക്ക് ലഭിക്കുന്നില്ല. ഭക്ഷണശീലം: ഫാസ്റ്റ് ഫുഡുകളിലേക്കുള്ള മാറ്റവും, വിറ്റാമിൻ ഡി അടങ്ങിയ ഭക്ഷണങ്ങളുടെ (ചെറിയ മീനുകൾ, മുട്ടയുടെ മഞ്ഞക്കരു) കുറവും. സ്‌ട്രെസ്: പഠനസമ്മർദം കൂടുമ്പോൾ ശരീരം കൂടുതൽ കോർട്ടിസോൾ (Cortisol – Stress hormone) ഉത്പാദിപ്പിക്കുകയും, ഇത് വിറ്റാമിൻ ഡിയുടെ പ്രവർത്തനത്തെ തടസ്സപ്പെടുത്തുകയും ചെയ്യുന്നു. ഭക്ഷണ സ്രോതസ്സുകൾ വിറ്റാമിൻ ഡിയുടെ 10% ൽ താഴെ മാത്രമേ ഭക്ഷണത്തിൽ നിന്ന് ലഭിക്കുന്നുള്ളൂ. സ്വാഭാവികമായി വിറ്റാമിൻ ഡി അടങ്ങിയിരിക്കുന്ന ചുരുക്കം ചില ഭക്ഷണങ്ങളിൽ മാത്രമേ ഉള്ളൂ. എന്നിരുന്നാലും, വിറ്റാമിൻ ഡി കൂടുതലുള്ള ഭക്ഷണങ്ങളിൽ ഇവ ഉൾപ്പെടുന്നു: ട്യൂണ (85 ഗ്രാം = 154 IU) കരൾ അല്ലെങ്കിൽ ബീഫ് (85 ഗ്രാം = 42 IU) 1 വലിയ മുട്ട (41 IU, മഞ്ഞക്കരുവിൽ നിന്ന്) ഫോർട്ടിഫൈഡ് പ്രാതൽ ധാന്യങ്ങൾ (330 ഗ്രാം = 40 IU) മത്തി, സാൽമൺ പാൽ, തൈര്, ചീസ് കൂൺ കുട്ടികൾക്ക് വിറ്റാമിൻ ഡി അടങ്ങിയ ഭക്ഷണങ്ങൾ നൽകാൻ പ്രത്യേകം ശ്രദ്ധിക്കേണ്ടതാണ്. പാൽ, ധാന്യങ്ങൾ, ഫോർമുല തുടങ്ങിയ ചില ഭക്ഷണങ്ങൾ പോഷകസമൃദ്ധമാണെങ്കിലും, പല കുട്ടികളും ഇവ പതിവായി ആവശ്യത്തിന് കഴിക്കണമെന്നില്ല.പ്രായത്തിനനുസരിച്ച് കുട്ടികൾക്ക് ആവശ്യമായ വിറ്റാമിൻ ഡിയുടെ അളവ് വ്യത്യാസപ്പെടുന്നു: 0-12 മാസം: 400 IU പ്രതിദിനം 1-13 വയസ്സ്: 600 IU പ്രതിദിനം 14-18 വയസ്സ്: 600 IU പ്രതിദിനം മുലപ്പാൽ മാത്രം നൽകുന്ന കുഞ്ഞുങ്ങൾക്ക് ജനനത്തിന്റെ ആദ്യ ദിവസങ്ങൾ മുതൽ തന്നെ 400 IU വിറ്റാമിൻ ഡി സപ്ലിമെന്റ് നൽകണമെന്ന് അമേരിക്കൻ അക്കാദമി ഓഫ് പീഡിയാട്രിക്‌സ് ശുപാർശ ചെയ്യുന്നു.ചില കുട്ടികൾക്ക് വിറ്റാമിൻ ഡി കുറവ് വരാനുള്ള സാധ്യത കൂടുതലാണ്: തണുത്ത കാലാവസ്ഥയിൽ താമസിക്കുന്നവർ ഇരുണ്ട ചർമ്മ നിറമുള്ളവർ (കൂടുതൽ മെലാനിൻ) നഗര പ്രദേശങ്ങളിൽ താമസിക്കുന്നവർ അമിതഭാരമുള്ള കുട്ടികൾ പെൺകുട്ടികൾ (പ്രത്യേകിച്ച് സൂര്യപ്രകാശമേറ്റ് ചർമ്മം ടാൻ ആകുമോ എന്ന ഭയമുള്ള പെൺകുട്ടികളിൽ) വീടിനുള്ളിൽ കൂടുതൽ സമയം ചെലവഴിക്കുന്നവർ പരിശോധനയും രോഗനിർണയും 25-ഹൈഡ്രോക്‌സിവിറ്റാമിൻ ഡി [25(OH)D] രക്ത പരിശോധന വഴി വിറ്റാമിൻ ഡി അളവ് അറിയാൻ സാധിക്കും. അളവുകളുടെ വർഗ്ഗീകരണം: കുറവ് (Deficiency): <12 ng/mL അപര്യാപ്തത (Insufficiency): 12-20 ng/mL സാധാരണ (Normal): >20 ng/mLവിറ്റാമിൻ ഡി കുറവ് കണ്ടെത്തിയാൽ, പ്രാരംഭ ചികിത്സ ആറ് മുതൽ എട്ട് ആഴ്ച വരെ നീണ്ടുനിൽക്കണം. ഡോക്ടറുടെ നിർദ്ദേശപ്രകാരം സപ്ലിമെന്റുകളും ഭക്ഷണക്രമത്തിലെ മാറ്റങ്ങളും പാലിക്കേണ്ടത് അത്യാവശ്യമാണ്.വിറ്റാമിൻ ഡി കുറവ് തടയാൻ ഇനിപ്പറയുന്ന നടപടികൾ സ്വീകരിക്കാവുന്നതാണ്: സൂര്യപ്രകാശത്തിൽ കുറഞ്ഞത് 15-20 മിനിറ്റ് ചെലവഴിക്കുക വിറ്റാമിൻ ഡി സമൃദ്ധമായ ഭക്ഷണങ്ങൾ ദിവസേന ഭക്ഷണക്രമത്തിൽ ഉൾപ്പെടുത്തുക ഡോക്ടറുടെ നിർദ്ദേശപ്രകാരം സപ്ലിമെന്റുകൾ നൽകുക പുറത്ത് കളിക്കാനും ശാരീരിക പ്രവർത്തനങ്ങളിൽ ഏർപ്പെടാനും കുട്ടികളെ പ്രോത്സാഹിപ്പിക്കുക അപകട ഘടകങ്ങളുള്ള കുട്ടികളെ പതിവായി പരിശോധിക്കുക മാതാപിതാക്കൾക്കുള്ള പ്രായോഗിക നിർദ്ദേശങ്ങൾ കുടുംബ ഔട്ട്ഡോർ സമയം: ആഴ്ചയിൽ മൂന്ന് ദിവസമെങ്കിലും കുടുംബമായി പുറത്തിറങ്ങി നടക്കുക, സൈക്ലിംഗ്, അല്ലെങ്കിൽ പാർക്കിൽ പോകുക പോസിറ്റീവ് പിയർ സുഹൃത്ത് സർക്കിൾ: നിങ്ങളുടെ കുട്ടിയെ സജീവവും പോസിറ്റീവുമായ കൂട്ടുകാരുമായി ബന്ധപ്പെടാൻ സഹായിക്കുക – സ്പോർട്സ് ക്ലബ്ബുകൾ, ആർട്ട് ക്ലാസുകൾ എന്നിവയിൽ ചേർക്കുക സ്‌ക്രീൻ ടൈം പരിമിതപ്പെടുത്തുക: മൊബൈൽ, ടിവി, ഗെയിമിംഗ് സമയം നിർബന്ധമായും പ്രതിദിനം 2 മണിക്കൂറിൽ താഴെയായി നിലനിർത്തുക ഓപ്പൺ കമ്മ്യൂണിക്കേഷൻ: കുട്ടിയുടെ വികാരങ്ങളെക്കുറിച്ച് സംസാരിക്കാൻ സുരക്ഷിതമായ അന്തരീക്ഷം സൃഷ്ടിക്കുക വാർണിംഗ് സൈനുകൾ ശ്രദ്ധിക്കുക: നിരന്തരമായ സങ്കടം, സാമൂഹിക ഒറ്റപ്പെടൽ, പെട്ടെന്നുള്ള മാനസികാവസ്ഥാ മാറ്റങ്ങൾ എന്നിവ ഗൗരവമായി എടുക്കുക. കുട്ടികളുടെ സമഗ്ര വികാസത്തിന് വിറ്റാമിൻ ഡി അനിവാര്യമാണ്. ഇന്ത്യയിലെ ഭൂരിഭാഗം കുട്ടികളും ഈ കുറവ് അനുഭവിക്കുന്നുണ്ട് എന്നത് ഗുരുതരമായ ആശങ്കയാണ്. ഔട്ട്ഡോർ പ്രവർത്തനങ്ങൾ, പിയർ സുഹൃത്ത് ബന്ധങ്ങൾ – ഇവ കൂടിച്ചേർന്നു കൂടിയാണ് കുട്ടികളുടെ മാനസികാരോഗ്യം രൂപപ്പെടുത്തുന്നതിന്ന് പ്രധാനപങ്കുവഹിക്കുന്നത്. മാതാപിതാക്കളും ആരോഗ്യ പ്രവർത്തകരും അദ്ധ്യാപകരും ഈ പ്രശ്‌നത്തെക്കുറിച്ച് ബോധവാന്മാരാകുകയും കുട്ടികൾക്ക് മതിയായ സൂര്യപ്രകാശം, പോഷകസമൃദ്ധമായ ഭക്ഷണം, സജീവമായ ജീവിതശൈലി, പോസിറ്റീവ് സാമൂഹിക പരിസ്ഥിതി, ആവശ്യമെങ്കിൽ പ്രോട്ടീൻ വൈറ്റമിൻ സപ്ലിമെന്റുകൾ എന്നിവ ഉറപ്പാക്കുകയും വേണം. ശരിയായ അറിവും സമയോചിതമായ ഇടപെടലും കുട്ടികളുടെ ശാരീരികവും മാനസികവുമായ ആരോഗ്യം സംരക്ഷിക്കാൻ സഹായിക്കും. വിഷാദവും ആത്മഹത്യാ പ്രവണതകളും തടയാൻ ഇന്നത്തെ കാലത്ത് ഏറ്റവും പ്രധാനപ്പെട്ട കാര്യങ്ങളിലൊന്നാണ് വിറ്റാമിൻ ഡി കുറവിനെക്കുറിച്ചുള്ള അവബോധവും സമഗ്രമായ സമീപനവുമാണ്.