കൊല്ലം : കൊട്ടാരക്കരയിൽ നീലേശ്വരം ഗുരുമന്ദിരത്തിന് സമീപം ബൈക്കുകൾ തമ്മിൽ കൂട്ടിയിടിച്ച് മൂന്ന് മരണം. ഇന്ന് ഉച്ചയ്‌ക്ക് രണ്ടു മണിയോടെയായിരുന്നു അപകടം ഉണ്ടായത്. ബൈക്കിൽ യാത്ര ചെയ്ത പാലക്കാട് സ്വദേശി സഞ്ജയ്, കല്ലുവാതുക്കൽ സ്വദേശി വിജിൽ, അജിത്ത് എന്നിവരാണ് മരിച്ചത്.അമിത വേഗതയിലെത്തിയ രണ്ടു ബൈക്കുകൾ തമ്മിൽ കൂട്ടിയിടിക്കുകയായിരുന്നു. ഒരു ബൈക്കിൽ മൂന്ന്പേരും മറ്റൊരു ബൈക്കിൽ ഒരാളുമാണ് ഉണ്ടായിരുന്നത്. മൂന്നുപേരെയും ഗുരുതരമായ പരിക്കുകളോടെ ആശുപത്രിയിലെത്തിച്ചുവെങ്കിലും മൂവരുടെയും ജീവൻ രക്ഷിക്കാനായില്ല.
