ക്യാപ്റ്റൻ ഗില്ലിന് സെഞ്ച്വറി (114*); രണ്ടാം ടെസ്റ്റിന്‍റെ ആദ്യ ദിനം 300 കടന്ന് ടീം ഇന്ത്യ

ബ​ർ​മി​ങ്ഹാം: ഇം​ഗ്ല​ണ്ടി​നെ​തി​രാ​യ ര​ണ്ടാം ക്രി​ക്ക​റ്റ് ടെ​സ്റ്റി​ൽ ക​രു​ത​ലോ​ടെ തു​ട​ങ്ങി ഇ​ന്ത്യ. ആദ്യ ദിവസം കളി നിർത്തുമ്പോൾ ഇന്ത്യ 85 ഓവറിൽ അഞ്ച് വിക്കറ്റിന് 310 റൺസ് എന്ന ഭേദപ്പെട്ട നിലയിലാണ്. 114 റൺസെടുത്ത് പുറത്താകാതെ നിൽക്കുന്ന ക്യാപ്റ്റൻ ശുഭ്മാൻ ഗിൽ, മറുവശത്ത് കാവലുള്ള രവീന്ദ്ര ജഡേജ (41) എന്നിവരിലാണ് ഇന്ത്യയുടെ തുടർ പ്രതീക്ഷ. 87 റൺസെടുത്ത് ഓപണർ യശസ്വി ജയ്സ്വാൾ കരുത്തുകാട്ടി. കരുൺ നായർ (31), റിഷഭ് പന്ത് (25) എന്നിവരും രണ്ടക്കം കടന്നു. കെ.എൽ രാഹുൽ (രണ്ട്), നിതീഷ് കുമാർ റെഡ്ഡി (ഒന്ന്) എന്നിവർക്ക് തിളങ്ങാനായില്ല. ടോ​സ് നേ​ടി​യ ഇം​ഗ്ലീ​ഷ് ക്യാ​പ്റ്റ​ൻ ബെൻ സ്റ്റോക്ക്സ് തുട​ർ​ച്ച​യാ​യി ര​ണ്ടാം ത​വ​ണ​യും ബൗ​ളി​ങ് തെ​ര​ഞ്ഞെ​ടു​ക്കു​ക​യാ​യി​രു​ന്നു. ഉ​ച്ച​ഭ​ക്ഷ​ണ സ​മ​യ​ത്ത് ര​ണ്ടി​ന് 98 എ​ന്ന നി​ല​യി​ലാ​യി​രു​ന്നു സ​ന്ദ​ർ​ശ​ക​ർ. ആ​ദ്യ മ​ണി​ക്കൂ​റി​ൽ ഓ​പ​ണ​ർ കെ.​എ​ൽ. രാ​ഹു​ലി​നെ (26 പ​ന്തി​ൽ ര​ണ്ട്) ക്രി​സ് വോ​ക്സ് മ​ട​ക്കി. നി​ർ​ണാ​യ​ക​മാ​യ ര​ണ്ടാം വി​ക്ക​റ്റി​ൽ യ​ശ​സ്വി ജ​യ്സ്വാ​ളും ക​രു​ൺ നാ​യ​രും പി​ടി​ച്ചു​നി​ന്നു. ര​ണ്ടാം വി​ക്ക​റ്റി​ൽ ഇ​രു​വ​രും 80 റ​ൺ​സ് ചേ​ർ​ത്ത​ത് ത​ക​ർ​ച്ച ഒ​ഴി​വാ​ക്കി. ഒ​ന്നാം ടെ​സ്റ്റി​ൽ പൂ​ജ്യ​ത്തി​ന് ഒ​ന്നാ​മി​ന്നി​ങ്സി​ൽ പു​റ​ത്താ​യ ക​രു​ൺ, ജ​യ്സ്വാ​ളി​ന് മി​ക​ച്ച പി​ന്തു​ണ​​യേ​കി. ലീ​ഡ്സി​ൽ ആ​റാ​മ​നാ​യി ഇ​റ​ങ്ങി​യ ക​രു​ൺ ബ​ർ​മി​ങ്ഹാ​മി​ൽ വ​ൺ​ഡൗ​ണാ​യി. തു​ട​ക്ക​ത്തി​ൽ ജോ​ഷ് ട​ങ്ങി​ന്റെ പ​ന്തി​ൽ എ​ൽ.​ബി.​ഡ​ബ്ല്യു റി​വ്യു അ​തി​ജീ​വി​ച്ച ക​രു​ൺ, അ​ടു​ത്ത ഓ​വ​റി​ൽ തു​ട​ർ​ച്ച​യാ​യി ര​ണ്ട് ഫോ​റ​ടി​ച്ച് ആ​ത്മ​വി​ശ്വാ​സം തി​രി​ച്ചു​പി​ടി​ച്ചു. പി​ന്നീ​ട് മോ​ശം പ​ന്തു​ക​ളി​ൽ മാ​​ത്രം റ​ൺ​സെ​ടു​ത്ത ക​രു​ൺ ഉ​ച്ച​ഭ​ക്ഷ​ണ​ത്തി​ന് തൊ​ട്ടു​മു​മ്പ് പു​റ​ത്താ​യി. ബ്രൈ​ഡ​ൻ കാ​ഴ്സി​ന്റെ ത​ക​ർ​പ്പ​ൻ ഷോ​ട്ട് ബാ​ൾ ബാ​റ്റി​ൽ ത​ട്ടി ര​ണ്ടാം സ്ലി​പ്പി​ൽ ഹാ​രി ബ്രൂ​ക്കി​ന്റെ കൈ​യി​ലെ​ത്തി. ഉ​ച്ച​ഭ​ക്ഷ​ണ​ത്തി​ന് ശേ​ഷം ഇ​ന്ത്യ ക​രു​ത​ലോ​ടെ കു​തി​ച്ചു.മൂ​ന്ന് മാ​റ്റ​ങ്ങ​ളു​മാ​യാ​ണ് ഇ​ന്ത്യ ര​ണ്ടാം ടെ​സ്റ്റി​നി​റ​ങ്ങി​യ​ത്. പ്ര​ധാ​ന പേ​സ​റാ​യ ജ​സ്പ്രീ​ത് ബും​റ​ക്ക് വി​ശ്ര​മം ന​ൽ​കി. പ​ക​രം ആ​കാ​ശ്ദീ​പി​നാ​ണ് അ​വ​സ​രം ല​ഭി​ച്ച​ത്. സാ​യ് സു​ദ​ർ​ശ​ന് പ​ക​രം വാ​ഷി​ങ്ട​ൺ സു​ന്ദ​റി​നെ​യും ശ​ർ​ദൂ​ൽ ഠാ​ക്കു​റി​ന് പ​ക​രം നി​തീ​ഷ് കു​മാ​ർ റെ​ഡ്ഡി​യെ​യും ക​ളി​സം​ഘ​ത്തി​ലു​ൾ​പ്പെ​ടു​ത്തി. വാ​ഷി​ങ്ട​ൺ സു​ന്ദ​റി​നെ ബൗ​ളി​ങ്ങി​ലും ഉ​പ​യോ​ഗ​പ്പെ​ടു​ത്താ​മെ​ന്ന​തി​നാ​ൽ സ്​​പെ​ഷ​ലി​സ്റ്റ് സ്പി​ന്ന​ർ കു​ൽ​ദീ​പ് യാ​ദ​വി​ന് പു​റ​ത്തു​ത​ന്നെ​യാ​യി​രു​ന്നു സ്ഥാ​നം. ആ​ദ്യ ടെ​സ്റ്റി​ൽ എ​തി​രാ​ളി​ക​ളു​ടെ 20 വി​ക്ക​റ്റ് വീ​ഴ്ത്താ​ൻ ക​ഴി​യാ​ത്ത ടീം, ​സ്​​പെ​ഷ​ലി​സ്റ്റ് സ്പി​ന്ന​റെ ഒ​ഴി​വാ​ക്കി​യ​തി​ലും അ​ഞ്ച് സ്​​പെ​ഷ​ലി​സ്റ്റ് ബാ​റ്റ​ർ​മാ​രെ മാ​ത്രം ഉ​ൾ​പ്പെ​ടു​ത്തി​യ​തി​ലും വി​മ​ർ​ശ​ന​മു​യ​രു​ന്നു​ണ്ട്. ഇംഗ്ലണ്ടിനായി ക്രിസ് വോക്സ് രണ്ട് വിക്കറ്റ് നേടിയപ്പോൾ ബ്രൈഡൻ കാർസ്, ബെൻ സ്റ്റോക്സ്, ശുഐബ് ബഷീർ എന്നിവർ ഓരോ വിക്കറ്റെടുത്തു.