മാസപ്പടി കേസ്; കൂടുതല്‍ പേരുടെ മൊഴിയെടുക്കാന്‍ എസ്‌ഐടി
തിരുവനന്തപുരം: സിഎംആര്‍എല്‍-എക്‌സാലോജിക് ഇടപാടില്‍ കൂടുതല്‍ പേരുടെ മൊഴിയെടുക്കാന്‍ എസ്‌ഐടി. മുന്‍ പൊതുമരാമത്ത് മന്ത്രിയും എംഎല്‍എയുമായ പി.എ മുഹമ്മദ് റിയാസിന്റെ സുഹൃത്തുക്കളെ ചോദ്യം ചെയ്യുന്നത് ഇന്നും തുടരും. ഹസന്‍ വാരിസിന്റെയും ഷൈജലിന്റെയും മൊഴി വിശദമായി പരിശോധിക്കും. റിയാസുമായി സാമ്പത്തിക ഇടപാടുകള്‍ ഇല്ലെന്നാണ് വാരിസ് പറയുന്നത്. നിലവില്‍ ഇഡിയോട് കൂടുതല്‍ രേഖകള്‍ ആവശ്യപ്പെടാന്‍ ഒരുങ്ങുകയാണ് പ്രത്യേക അന്വേഷണ സംഘം. സാമ്പത്തിക ഇടപാടില്‍ കൃത്യമായ തെളിവുകളുണ്ടെന്നാണ് ഇഡിയുടെ വാദം. കഴിഞ്ഞ ദിവസം മുഹമ്മദ് റിയാസിന്റെ സുഹൃത്തുക്കള്‍ക്ക് ക്രൈം ബ്രാഞ്ചിന്റെ പ്രത്യേക സംഘം നോട്ടീസ് അയച്ചിരുന്നു. ആദ്യഘട്ടത്തില്‍ ഹാരിസ്, നിഖില്‍ എന്നിവരെ പ്രത്യേകം ചോദ്യം ചെയ്യും. റിയാസ് മന്ത്രിയായിരിക്കെ സമ്പാദിച്ച പണം സുഹൃത്തുക്കള്‍ മുഖേന വിദേശത്തേക്ക് കടത്തിയെന്ന ആരോപണത്തിലാണ് അന്വേഷണം. ഇവരില്‍ നിന്ന് ലഭിക്കുന്ന വിവരങ്ങളുടെ അടിസ്ഥാനത്തിലായിരിക്കും റിയാസിനും ടി. വീണയ്ക്കുമെതിരെ തുടര്‍നടപടികള്‍ ഉണ്ടാകുക. തെളിവുകള്‍ ലഭിച്ചാല്‍ അന്വേഷണം വിജിലന്‍സിന് കൈമാറും. അതേസമയം ഇഡിയുടെ ആരോപണം മുഹമ്മദ് റിയാസും മുന്‍ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയനും നിഷേധിച്ചിരുന്നു.
