മയക്കുമരുന്നുമായി ഡിവൈഎഫ്ഐ നേതാവ് ഉള്പ്പെടെ നാലുപേര് പിടിയില്
തൊടുപുഴ (ഇടുക്കി): മയക്കുമരുന്നുമായി ഡിവൈഎഫ്ഐ നേതാവ് ഉള്പ്പെടെ നാലുപേര് പിടിയില്.
തൊടുപുഴ കുമ്മംകല്ല് ഓലിക്കല് ആഷിക് സഹീര്( 23),
ഇടവെട്ടി ചീങ്കല്ലേല് ഹര്ഷിദ് ജബ്ബാര്(33),
വെങ്ങല്ലൂര് കണിപറമ്പില് നിഹാല് ഷെഫീഖ് (22)
ഡിവൈഎഫ്ഐ ബ്ലോക്ക് ഭാരവാഹിയായ വെങ്ങല്ലൂര് കണിപറമ്പില് ടി.എസ്.ഷിയാസ് (35) എന്നിവരാണ് പിടിയിലായത്.
തൊടുപുഴ പോലീസ് സ്റ്റേഷന് പരിധിയില് ഇടവെട്ടി ജംഗ്ഷനില് കനാല് പാലം ഭാഗത്ത് വച്ചാണ് ഇവര് പിടിയിലായത്.
പ്രതികള് സഞ്ചരിച്ചിരുന്ന ഓട്ടോയില് നിന്നും കാറില് നിന്നുമായി 18.18 ഗ്രാം എംഡിഎംഎയും10 ഗ്രാം ഹൈബ്രിഡ് കഞ്ചാവുമായി പോലീസും ഡാന്സാഫ് ടീമും ചേര്ന്ന് പിടികൂടിയത്.
രഹസ്യ വിവരം ലഭിച്ചതിന്റെ അടിസ്ഥാനത്തില് ഇവരെ നിരീക്ഷിച്ചുവരികയായിരുന്നു.
മേഖലയില് ലഹരി വില്പന നടത്തുന്ന സംഘമാണ് ഇവരെന്ന് പോലീസ് പറഞ്ഞു.
പിടിയിലായ ടി.എസ്. ഷിയാസ് ഡിവൈഎഫ്ഐ തെക്കുംഭാഗം മേഖലാ സെക്രട്ടറിയും തൊടുപുഴ ബ്ലോക്ക് കമ്മിറ്റി അംഗവുമാണ്.
കഴിഞ്ഞ തദ്ദേശ തെരഞ്ഞെടുപ്പില് തൊടുപുഴ ബ്ലോക്ക് പഞ്ചായത്തിലേക്ക് എല്ഡിഎഫ് സ്ഥാനാര്ഥിയായി ടി.എസ്.ഷിയാസ് മത്സരിച്ചിരുന്നു.
ലഹരി മാഫിയയുമായി ബന്ധമുള്ളതിന്റെ പേരില് ഇയാളെ നേരത്തെ പാര്ട്ടിയില് നിന്നും പുറത്താക്കിയിരുന്നു.
തെറ്റ് തിരുത്തിയെന്ന് അവകാശപ്പെട്ടതോടെ പിന്നീട് തിരിച്ചെടുക്കുകയായിരുന്നു.
