കേരളത്തിന് 988.75 കോടിയുടെ റോഡ് വികസന സഹായം – മൂരാട് മുതൽ കോട്ടക്കൽ ജങ്ഷൻ വഴി തിക്കോടി പഞ്ചായത്ത് വരെ ഇനി സുഖയാത്ര; 20 കോടിയുടെ റോഡ് വികസനം ഡിസംബറോടെ തുടങ്ങും

കോഴിക്കോട് : ജില്ലയിലെ ഗതാഗതക്കുരുക്കിന് പരിഹാരമായി പ്രധാന റോഡുകളുടെ വികസനത്തിനായി 115 കോടി രൂപയുടെ കേന്ദ്രാനുമതി ലഭിച്ചതായി മന്ത്രി പി കെ ബഷീർ അറിയിച്ചു. സംസ്ഥാനത്തെ 39 റോഡ് വികസന പദ്ധതികൾക്കായി 988.75 കോടി രൂപയുടെ കേന്ദ്രാനുമതി ലഭിച്ചതിൽ 570 കോടി രൂപയാണ് മലബാർ മേഖലയ്ക്ക് അനുവദിച്ചിട്ടുള്ളത്

. ഇതിൽ കോഴിക്കോട് ജില്ലയിലെ നാല് ദേശീയപാത, ഒരു സബ് ഹൈവേ എന്നിവയുടെ നവീകരണത്തിനാണ് 115 കോടി രൂപ മാറ്റിവെച്ചിരിക്കുന്നത്. സാങ്കേതികാനുമതി പൂർത്തിയാക്കി ഡിസംബറിൽ തന്നെ നിർമ്മാണ പ്രവർത്തനങ്ങൾ ആരംഭിക്കുമെന്നും മന്ത്രി വ്യക്തമാക്കി.

പ്രധാന റോഡ് വികസനങ്ങളുടെ വിശദാംശങ്ങൾ:

മെഡിക്കൽകോളേജ് – മാവൂർ ഭാഗത്തെ റോഡുകൾ: ചെറുപ്പു – മാവൂർ റോഡ്, മാവൂർ-കണ്ണപ്പറമ്പ് റോഡ്, കല്ലള്ളി – ആയംകുളം റോഡ് (10.1 കിലോമീറ്റർ – 23 കോടി രൂപ)

.മൂരാട് – തിക്കോടി ഭാഗത്തെ റോഡുകൾ: കോട്ടയ്ക്കൽ ജങ്ഷൻ- മിനി ഗോവ റോഡ്-കൊളാവി – അറബിക് കോളേജ്- മീൻപെരിയ- ആവിക്കൽ-തിക്കോടി പഞ്ചായത്ത് (10 കിലോമീറ്റർ – 20 കോടി രൂപ).

ചാത്തമംഗലം – തെങ്ങിലക്കടവ് ഭാഗത്തെ റോഡുകൾ: ചാത്തമംഗലം- ഇഷ്ക ബസാർ-സങ്കേതം- മുഴാപ്പാലം- തെങ്ങിലക്കടവ് റോഡ്, സങ്കേതം-ചുലൂർ റോഡ്, ചെറുപ്പു-കൂട്ടിക്കടവ് റോഡ് (10.3 കിലോമീറ്റർ – 19 കോടി രൂപ).മണാശ്ശേരി – തിരുവമ്പാടി ഭാഗത്തെ റോഡുകൾ: മുത്താലം – മുത്തേരി – തോട്ടത്തിൻകടവ്- ശാന്തിനഗർ – മൈക്കാവ് – പുലിക്കയം – തോട്ടുമുഴി – പള്ളിപ്പടി (11.90 കിലോമീറ്റർ – 23 കോടി രൂപ).ഫാത്തിമ എസ്റ്റേറ്റ് – പത്താപുരം ഭാഗത്തെ റോഡുകൾ: ഫാത്തിമ എസ്റ്റേറ്റ് – തോട്ടുമുക്കം- പള്ളിത്താഴെ – തേക്കിൻചുവട്, കാരക്കുന്ന്- എറഞ്ഞിങ്കോട് (10 കിലോമീറ്റർ – 30 കോടി രൂപ).