‘മരണ സ്ഥലത്ത് പരിചയമുള്ള ആളുകളെ കണ്ടാൽ ചിരിച്ചാൽ മഹാ അപരാധം, ആരെങ്കിലും റേപ്പ് ചെയ്താലും കൊന്നാലും അതൊക്കെ മറച്ചു വെച്ച് നന്നായി അഭിനയിച്ചാൽ ഡബിൾ ഓക്കെ’; റിനി ആൻ ജോർജ്

മലയാളത്തിന്റെ പ്രിയ നടൻ സലിംകുമാറിന്റെ സംസ്കാര ചടങ്ങിനെത്തിയപ്പോൾ ചിരിച്ചുകൊണ്ട് ആളുകളെ അഭിസംബോധന ചെയ്ത നടി റിനി ആൻ ജോർജിന് സാമൂഹ്യമാധ്യമങ്ങളിൽ വലിയ വിമർശനമായിരുന്നു നേരിട്ടത്. ഇപ്പോഴിതാ റിനി തന്നെ തനിക്കെതിരായ സൈബർ ആക്രമണത്തിൽ പ്രതികരിച്ച് എത്തിയിരിക്കുകയാണ്. ഫേസ്ബുക്ക് പോസ്റ്റിലൂടെയാണ് പ്രതികരണം.
മരണ സ്ഥലത്ത് പരിജയമുള്ള ആളുകളെ കണ്ടാൽ ചിരിച്ചാൽ മഹാ അപരാധമാണെന്നും ആരെങ്കിലും റേപ്പ് ചെയ്താലും കൊന്നാലും അതൊക്കെ മറച്ചു വെച്ച് നന്നായി അഭിനയിച്ചാൽ ഡബിൾ ഓക്കെ എന്നും റിനി ആൻ ജോർജ് ഫേസ്ബുക്കിൽ കുറിച്ചു. വളരെ ചെറിയ, ആർക്കും ഉപദ്രവകരം അല്ലാത്ത കാര്യങ്ങൾ പോലും ചിലർക്ക് വലിയ പ്രശ്നം ആണ് എന്നും ഫേസ്ബുക്കിൽ പങ്കുവെച്ച കുറിപ്പിൽ റിനി പറയുന്നു.
ഫേസ്ബുക്ക് പോസ്റ്റ്

ഞാൻ വളരെ ചെറുപ്പം മുതൽ ശ്രദ്ധിച്ചിരിക്കുന്ന ഒരു കാര്യമാണ്…വളരെ ചെറിയ, ആർക്കും ഉപദ്രവകരം അല്ലാത്ത കാര്യങ്ങൾ പോലും ചിലർക്ക് വലിയ പ്രശ്നം ആണ്…മഹാ അപരാധം ആണ്… ഉദാഹരണത്തിന് കാലിന്മേൽ കാൽ കയറ്റി വെച്ച് ഇരിക്കുക, ഇഷ്ടപ്പെട്ട ഒരു വസ്ത്രം ധരിക്കുക, മരണ സ്ഥലത്തു പരിജയം ഉള്ള ആളുകളെ കണ്ടാൽ ഒന്ന് ചിരിക്കുക തുടങ്ങിയവ… എന്നാൽ ആരെങ്കിലും റേപ്പ് ചെയ്താലും കൊന്നാലും അതൊക്കെ മറച്ചു വെച്ച് നന്നായി അഭിനയിച്ചാൽ, ഡബിൾ ഓക്കെ… കൂടെ നിന്ന് സെൽഫി എടുക്കൽ, റീൽസ് എടുക്കൽ അങ്ങനെ പലതും കാണാം…നാടകമേ ഉലകം…