ട്രെയിനിൽ അപ്പൂപ്പനൊപ്പം ഉറങ്ങിക്കിടന്ന ആറ് വയസ്സുകാരിയെ തട്ടിയെടുത്ത് ലൈംഗികാതിക്രമം; കൊല്ലം സ്വദേശി പിടിയിൽ
ട്രെയിനില് ആറ് വയസ്സുകാരിക്ക് നേരെ ക്രൂരമായ ലൈംഗികാതിക്രമം. കേരളത്തിലേക്ക് തീര്ത്ഥാടനയാത്ര നടത്തിയ തമിഴ് കുടുംബത്തിലെ കുട്ടിയാണ് അതിക്രമം നേരിട്ടത്. പ്രതി കൊല്ലം സ്വദേശി സാനിഷി(40)നെ പുനലൂര് റെയില്വേ പൊലീസ് കസ്റ്റഡിയിലെടുത്തു.
തെങ്കാശിയില് നിന്ന് എടത്വാപള്ളിയില് വന്ന് മടങ്ങവെയായിരുന്നു അതിക്രമം. കൊല്ലത്ത് നിന്ന് ചെങ്കോട്ടയിലേക്ക് പോവുകയിരുന്ന പാലരുവി എക്സ്പ്രസില് ജനറല് കമ്പാര്ട്ട്മെന്റില് അപ്പുപ്പനൊപ്പം കിടക്കുകയായിരുന്നു കുട്ടി.
ഉറങ്ങിക്കിടന്നിരുന്ന കുട്ടിയെ ആരുമറിയാതെ എടുത്ത് സ്വന്തം സീറ്റില് കൊണ്ടുപോയി ഇയാൾ ഉപദ്രവിക്കുകയിരുന്നു. സംഭവം ശ്രദ്ധയില്പ്പെട്ട സഹയാത്രികര് പുനലൂര് പോലിസിനെ വിവരം അറിയിക്കുകയും പോലിസ് ഇയാളെ കസ്റ്റഡിയിലെടുക്കുകയുമായിരുന്നു.
